انذار انذار لروح الحب

اعضاء روح الحب الكرام انا النهره جايبه مشكله جمدا اوي



اكيد معظمنا اذا مكنش كلنا عنده اكونت على الفيس بوك



واكيد معظمنا اذا مكنش كلنا سمع عن الجروب اللي بتشتم الاسلام

انا مغظنيش الجروب ده قد ما غاظني ردة فعل المسلمين نفسهم

معظم المسلمين قرروا انهم يعملوا جروبات اسمها (امسحوا الجروب اللي بتشتم الاسلام)
وبقى عدد الاعضاء في الجروبات دي يعدي الخمسين الف مسلم

لكن مع كده ممسحش الفيس البوك الجروب اللي بيشتم الاسلام

بالعكس....ده طلعت جروبات جديده بتشتم الاسلام وتجرأت على المسلمين ووصلت لسب الخالق عز وجل

لما لقوا المسلمين ان الفيس بوك مش حيعمل حاجه عملوا جروب جديده مضمونها ان المسلمين كلهم حيسيبوا الفيس بوك في اكتوبر اللي فات لو الجروب دي متمسحتش

ولكن لا حياه لمن تنادي للمره التانيه برضه....والمسلمين منفذوش تهديدهم ومحدش منهم مشي الا عدد قليل جدا

اسوأ ردة فعل عملها المسلمين ودي اللي بينت عن يأسنا فعلا

كميه ناس متعصبه تدخل الجروبات دي وتشتم فيهم وترد على شتايم الناس دي على الاسلام بشتايم اسوء منها بجرامر بايز اصلا

تفتكروا لو كانوا واخدين عننا فكره غلط اننا جهله ومتخلفين


لما يقروا الكلام و الشتايم اللي كاتبينها المسلمين حيغيروا رأيهم عننا مثلا ولا حينفروا من الاسلام اكتر؟
ا

في القران دعاء دعاه سيدنا ابراهيم ومن امن معه من قومه واحنا برضه بندعي نفس الدعاء لربنا

(ربنا لا تجعلنا فتنة للذين كفروا واغفر لنا ربنا انك انت العزيز الحكيم)
سوره الممتحنه ايه 5

وربنا سبحانه وتعالى رد على المسلمين وهو بينصحهم بالصبر على المشركين:

{عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً وَاللَّهُ قَدِيرٌ وَاللَّهُ غَفُورٌ رَّحِيمٌ }الممتحنة7

فانا بفكر نفسي قبل اي حد ان الناس دي محتاجانا ومينفعش نتخلى عنهم

بسبب الاعلام فكرتهم عن الاسلام وصلت غلط خالص وعلى اساس كده معظمهم بيعادي الاسلام والمسلمين

لو عرفنا نوصل للناس دي اخلاق الاسلام قبل تشريعه يبقى احنا عملنا بالضبط اللي ربنا طلبه مننا

قال تعالى ( ادع الى سبيل ربك بالحكمه والموعظه االحسنه وجادلهم بالتي هي احسن ان ربك هو اعلم بمن ضل عن سبيله وهو اعلم بالمهتدين) سوره النحل ايه 125

يا جماعه احنا هدفنا ايه كمسلمين؟ هل المفروض اننا نشتم ونعادي الغير مسلمين ولا المفروض اننا ننصر الاسلام؟

لا دي ولا دي, الواجب اللي علينا هو اننا نوصل الرساله للناس, نوصللهم الاسلام الصحيح وندعوهم لربنا وللقران

ولو وصلهم فكره غلط يبقى نحاول نصححها

يا جماعه الاسلام هو االحق والاسلام منصور قبل ما نتولد اصلا شئنا ام ابيناا

{كَتَبَ اللَّهُ لَأَغْلِبَنَّ أَنَا وَرُسُلِي إِنَّ اللَّهَ قَوِيٌّ عَزِيزٌ }المجادلة21


انا مش بقول اننا مننصرش الاسلام

لكن بقول ان نصر الاسلام ده تعمله بانك تنصر الاسلام في نفسك اولا وقبل كل شئ...لكن الواجب اللي عليك واللي مش لازم مهما حصل انك تسيبه هو انك تدعو الناس للاسلام

فمتعملش المستحب وتحاول تنصر الاسلام بالمظاهرات والاحتجاجات بينما انت سايب الدعوه للاسلام تماما ومش فارقه معاك الناس دي تعرف الاسلام ولا لأ

الرسول صلى الله عليه وسلم اول ما بدا يدعي قومه دعاهم لله وللاسلام وبعد كده بعشرين سنه ربنا نصره

النصر مش حييجي الا بالدعوه

والنصر من عندالله, لكن الدعوه دي مهمتي ومهمتك وفرض علينا ان الناس دي تعرف الاسلام

لو واحد في سيبيريا مسمعش عن الاسلام حيبقى ذنبك انت

ولو واحد فاهم ان المسلمين بيبوسوا الارض خمس مرات في اليوم وبيعبدوا محمد يبقى ده ذنبك انت

وللاسف فيه ناس فاكره كده فعلا

وكل ده حنتسئل عنه يوم القيامه يا جماعه لو مبدأتش تدعي الناس دي وتفهمهم الاسلام الصحيح


فيه جروب بنحاول نوصل فيه فكره الاسلام للناس دي في الفيس بوك برضه

نفس الفيس بوك اللي هاجمونا بيه هو نفس الفيس بوك اللي حنفهمهم فيه الاسلام

حنستغل الفيس بوك للدعوه للاسلام




المشكله اكبر من كده يا جماعه الفيس بوك موقع مخابرات اماريكي هدفو الاول انهم يعرفو طريقه تفكير الشباب والبنات العرب ولله الحمد العرب بيدو فكره انهم متخلفين وتافهين

فعلى المشتركين انهم يحظرو انا بجد خيفا عليكو يا جماعه في ناس كتير اتأذو من الفيس بوك فبلاش يا جماعه بليز وحياتي عندكو

موضوع خطير ولازم نتخدو كقضيه جاده مش هزار دي حاجه بتمس الكرامه




ايه يا مسلمين ايه رايكو آل احنا تفهين زي ما بيقولو

لأ طبعا طب عاوزين نعمل جروب على الفيس بوك لكن عاوزين الأعضاء يدخلو فيها

السلام عليكم و رحمة الله و بركاته

عندكم حق والله .. إحنا لازم نعمل جرووب ضدهم

بس فييييييييييين إلي يعمل كدا بقى ..د المسلميين كلهم ضد بعضهم ..

على العموم في جروب بجد كلو مسلمين الي مشترك في الفيس بيوك يا ريت بنضم ليه
بس برضو خدو بالكم يا جماعه انا خيفا عليكو اصلا اصلا الموقع ده مؤزي بلاش

اه في جروب انا عرفو
بس متخفيش علينا يا رووزي احنا قدهم
ولو مديقه من اشتراكي انا هشطب اسمي من الفيس بوك لو عيزا

وشكرا على الانذار يا اموره

برحتك انا بتكلم بشكل عام انو اصلا موقع خطير واماميركي تبع المخابرات
وانت حر بقى

يااااااااااااااااااااااااااااااااااااااااااه هو خطيييييييييييير للدرجادي

أنا مكنتش أعرف كدا أبدا .. والحمد لله إني مش مشتركة فييييييييه

الفيس بوك اول ما شفتو
قلت انو مشكلة بجد
نصيحة محدش يشترك فيه

بلا نيله هو كفايا علينا المنتدى.............

اتمنى المسلمين يفوقوا ................

مرسي لمروركو وانتباهكو

ويا رب تخدو بالكو لان الموقع ده كل مدى بينتشر وبيزداد خطوره