تتجوزي ولا تقعدي جمب بابا تعالي وانا اقولك (جاااااامد)

مع بابا .. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. هاتدخلى .. هاتدخلى

مع بابا.. فى العيد بيديلك العيديه وفوقيها بوسه ..
مع جوزك.. بيقول انت خلاص كبرتى على الحاجات دى

مع بابا. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا بتشترى هدومك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانت تعيانه .. سهران جنبك طول اليوم
انما جوزك بيروح ينام فى الاوضه التانيه.

بابا.. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك

بابا.. لو شافك بتعيطى هايمسح دمعتك
انما جوزك .. هايقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا.. لو طلبتى دوا من الصيدليه . جرى ها ينزل يجيبه
لكن جوزك هيسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه

لو بتتفرجى مع بابا على التليفزيون ... هايسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره ..

بابا لو نازل مشوار .. بيعمل ليكى اعتبار ويديكى خبر

لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل الباب بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض
لكن جوزك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى

هه يابنات مش الاحسن نقعد جنب بابا

ههههههههههههههه
موضوع جامد
بجد روووعة

إيه ده يا بنتي ؟؟ ده إنتي كرهتينا في الجواز
خلاااص أنا قررت القعاد مع بابا علطووول إن شاء الله

بس بجد موضوع حلوو ........ثاانكس يا عصفورة

يجماعة مش للدرجة
بس بجد لو كل الناس كدا محدش هيجوز
مرسي على الموضوع

ههههههههههههههه

شكرراااا ع الموضوووووع الجميييل ده

هههههههههههههههههههه
ليه كده بس ده انا داخله على جواز
هتخلينى اتردد ليه
هههههههههههههههههههههههههههههه

ميرسى يا عسل عالموضوع

ويارب زوجى ميكنش كده
اصله لو عمل كده هيتخلع بدرى ههههههههههههههههههههه

يلا خليكوا جنب بابا أحسن
ههههههههههههههههههه

هههههههههههههه

لالا لالا ,, مش هنعنس بس هنقرر نقرفهم يعني نعمل العكس احنا هههههههههه
ميسي جدا يا قمر تسلمي