انجرحت؟ .. ها.. وبعدين ؟؟
تايه؟ .. مكسور؟ .. حزين؟؟
محتار ؟ .. لا الوقت عارفه .. ولا شايف مكانك فين ؟
طيب .. لحد امتى ؟ .. شهر ، .. اتنين ؟
سنة .. ، سنتين ؟؟
هيّه الأيام اللى بتعدى دى من غير تمن .. مش حرام عليك ؟
واقف مكانك وكل شىء فى الدنيا والزمن .. بيمشى من حواليك
سايب نفسك بس ليه لجرحك يذلك ؟
مش شايف بكرة وامبارح هوّه اللى شاغلك
كفاية بقى .. اصحى وفوق
بص قدامك ... بص لفوق
بص للطير فى السما .. ليه باصص ليه تحت رجليك؟؟
ارمى اللى فاتك ورا ضهرك
ميستهلش عليه يضيع عمرك
افتح عنيك ، افرد ايديك
زى جناحات وطير فى الفضا
واللى مضى ماخلاص مضى
فى الاول وفى الآخر قضا
نصيب .. مكتوب عليك
2009-04-02, 17:44
