كمل المثل ..........

السلام عليكم ورحمة الله وبركاته

إزيكم يا أعضاااء المنتدى ... أنا النهاردة جبت لعبة حلووة وإن شاء الله تعجبكم

وهي كمل المثل .. يعني أنا هقوول مثل نااقص واللي بعدي يكملوو ويقول مثل تااني نااقص

واللي بعدو يكملو ..ها .. ياارب تكوونو فهمتو ... وأنا هبدأ وهقوووول ........


* الباب اللي ييجي منو ريح .................. ؟؟؟

الإجابة سدو واستريح
وشكرا ليكي علي اللعبة الحلوة دي يا دلوعة

مرسي يا قمر ع المرور .. وإجابتك صح
بس إنتي المفرووض كنتي تقوولي واحد ناقص عشان اللي بعدك يكملو ..بس مش مشكلة
أنا هقوول وااحد دلوقتي واللي بعدي يجااوب ويقوول واحد تاني

يلا .. الغريب أعمى ولو كان ................؟؟؟

يشتري حماام ويطيره

من برا منظر ومن جوا ................

اللي عندة قرش محيرة يشتري عصفور ويطيرة

من برة هلهلا ومن جوة يعلم الله
المثل :اللي بيته من زجاج......

ميحدفش الناس بالطوب



ان كان لك عند الكلب ..................؟؟

حاجة قلو يا سيدي
لبس البوصة تبقى ..................؟؟

عروسة
أسمع كلامك أصدقك ....

أشوف أمورك أستعجب

الأخ أخ مراتو والخايبة ......................

تحلف بحياته
المثل : حط القدر على فمها

تطلع البنت لأمها

من عاب ...............

ابتلي
العروسة للعريس ....

والجري للمتاعيس
عل وشك يبان با نداغ ...........

ياجماعة حد يديني قاموس لأمثلة دلوعة

ههههههههههههههههه
والله دي سهلة خاللص

اللبان
المثل :الخط لما يواتي يخلي الاعمى ...

ده أنا اللي شكلي هجيب لأمثالك قاموس
ههههه .. أعتقد يعني ساعاتي ..

اللي يتلسع من الشوربة ينفخ في ...........

صح
الزبادي
المليان ...

ممممم .. نقط بطاقيته أو يكب على الفاضي
في الشارع عروسة وفي البيت ..............

جاموسة
اابنك على ما تربيه .......

وجوزك على ما تعوديه ..صح ولا لأ ؟؟؟


البيت بيت أبونا والغرب ................

يطردونا
المثل : ربي يا خايبة .......

أعتقد للغايبة

المثل :- ظل راجل ولا ظل .............